गौरा तोर अंगना
बर अजगुत देखल तोर अंगना
एक दिस बाघ सिंह करे हुलना
दोसर बरद छैन्ह सेहो बौना,
हे गौरा तोर …………..
पैंच उधार माँगे गेलौं अंगना,
सम्पति मध्य देखल भांग घोटना
हे गौरा तोर ……………
खेती न पथारि शिव गुजर कोना,
मंगनी के आस छैन्ह बरसों दिना
हे गौरा तोर ……………
कार्तिक गणपति दुई चेंगना,
एक चढथि मोर एक मुसना
हे गौर तोर …………
भनहि विद्यापति सुनु उगना,
दरिद्र हरण करू धइल सरना
Bad Ajgut Dekhal – सारदा सिंहा संस्करण
बर अजगुत देखल तोर अंगना – 2,
तोर अंगना हे गौरा, तोर अंगना हे गौरा
तोर अंगना, हे गौरा तोर अंगना
बर अजगुत देखल
एक दिस बाघ सिंह करे हुलना –
दोसर बरद छैन्ह,
दोसर बरद छैन्ह सेहो बौना
हे गौरा तोर अंगना
बर अजगुत देखल
खेती न पथारि शिव गुजर कोना – 2,
मंगनी के आस छैन्ह,
मंगनी के आस छैन्ह बरसों दिना
हे गौरा तोर अंगना
बर अजगुत देखल
कार्तिक गणपति दुई चेंगना – 2,
एक चढथि मोर एक,
एक चढथि मोर एक मुस लगना !४!
हे गौरा तोर अंगना
बर अजगुत देखल
भनहि विद्यापति सुनु उगना
दरिद्र हरण करू,
दरिद्र हरण करू धइल सरना
हे गौरा तोर अंगना
बर अजगुत देखल तोर अंगना
हे गौरा तोर अंगना
